Earth Hour - slukk lyset for klima og natur

Gå til hovedinnhold Gå til navigasjon
- Finn fram stearinlys og litt påskesnop, og ha ein roleg time i mørket, oppfordrar Peggy Hessen Følsvik.

Earth Hour - slukk lyset for klima og natur

Laurdag 27. mars klokka 20:30-21:30 er det Earth Hour. LO oppfordrar alle medlemmer til å delta, og slukke lyset denne timen for klima og natur.

Klima og miljø

LO har vore med på Earth Hour sidan 2009, då den vart arrangert i Norge første gongen. Earth Hour er ei verdsomspennande kampanje, for å få merksemd rundt klima. Nytt i år er at kampanjen òg set søkelys på tap av natur.

Eg slukker lyset for klima og natur på laurdag, seier LO-leiar Peggy Hessen Følsvik. - Det håper eg du òg vil gjere!

Earth Hour starta som ei enkel markering av WWF i Sydney i 2007, som i løpet av eit par år spreidde seg til å bli ei global klimakampanje. Denne fellesdugnaden er ei symbolsk handling for å markere at verda står saman mot klimaendringene. I fjor vart Earth Hour markert i 190 land over heile verda som eit symbol på korleis vi står saman for å ta vare på denne eine heimen vi alle deler - jorda vår.

Earth Hour logoen

Dette kan du gjøre

  • Slukk lyset i eigne lokaler, bygg og heime laurdag 27. mars klokka 20:30-21:30 Informer kollegaer, familie og vener om Earth Hour
  • Gjer noko triveleg i den mørke timen – yatzy, kortspel eller brettspel, kanskje?
  • Delta på det norske facebook-eventet
  • Sjekk ut nettsidene til Earth Hour for fleire tips: https://www.earthhour.org

Norsk arbeidsliv og næringsliv er viktige deler i det norske klimaarbeidet, og LO arbeider for å sikre at omstillinga til ei klimavenleg framtid vert rettferdig. Earth Hour er eit godt høve til å auke merksemda kring klima og at det hastar med både tiltak, tilpassing og samarbeid.

God Earth Hour!

Kontakt